教育局今日（15號）通告全港幼稚園校長，指會支援幼稚園教導學生升旗禮儀，培養國家觀念同國民身份認同，局方製作「幼稚園升國旗儀式和國民教育」短片，提倡幼稚園點樣舉行升國旗儀式，並且敦促幼稚園教師都要有呢方面嘅認識。

教育局話，一直鼓勵學校定期展示國旗同舉行升旗儀式，並須喺元旦、七一同國慶日舉行升旗儀式，並「強烈建議」學校喺重要日子，例如開學日、開放日、畢業禮等活動升旗，以顯示對國家嘅尊重、提高師生嘅國家意識。

喺示範影片中，保良局田家炳兆康幼稚園嘅幼兒組成升旗隊，每逢星期一同特別日子都會鄭重升旗。一名老師先會用廣東話提醒幼兒保持站立、肅靜及面向旗桿，然後再請幼兒升旗隊隊員步操入場升旗。升旗隊幼兒隊員會用普通話嗌「向前走，一二、一二」，其後再將國旗掛上旗桿，幼兒一齊高聲唱國歌。儀式完成後，老師會有唔同主題嘅「旗下講話」園方強調，口號及步操同係由該校教師接受校外認可機構培訓後，先逐步教導學生。
。

教育局發言人喺影片話，學校須要俾小朋友知道，自己身處嘅地方係「中國香港」、「自己係中國人」，培養小朋友對家國嘅懷懷，「期望佢哋長大後為國家、社會作出貢獻」。

#教育局 #升旗禮 #升旗隊 #愛國教育 #國民教育 #唱國歌 #升旗儀式 #幼稚園 #廣東話 #普通話 #港語學