候任特首李家超日前（19日）曬馬曬班底，最注目嘅莫過於改組後嘅創新科技及工業局，會由大陸來港嘅孫東出任局長。事關咁多個之中，得佢用普通話發言，佢就被問到會否學好廣東話。孫東承諾，佢會努力學習。

孫東話：「你可以跟我講廣東話，我識聽。（普通話）特別是我落區，宣傳特區政府政策，我跟同事溝通會多講，同時會盡量多學習，但是用廣東話溝通絕對無問題。」

現任局長薛永恒就話：「香港係兩文三語非常普及嘅一個城市，講廣東話、普通話、英文根本喺我們日常生活中非常普遍，我唔覺得語言可能會影響。」

肯學廣東話當然好啦。但港語學睇返孫東出任立法會議員嘅發言，發現佢係香港首個完全用普通話參與討論嘅議員嚟；睇返資料，佢原來已經來港22年，都唔識講廣東話。大家覺得佢今次會唔會學，又學唔學得識呢？

#孫東 #廣東話 #創科局 #創新科技及工業局 #李家超 #普通話 #粵語 #香港語言 #兩文三語 #港語學