尋日DSE開考，以英文科閱讀卷打頭陣，當中較難部分(B2)出咗美國前第一夫人蜜雪兒奧巴馬(Michelle Obama）為題嘅文章。試後過千考生湧入蜜雪兒2017年嘅Instagram帖文留言訴苦，網民對此舉評價頗為兩極。
好多考生都留言「Boom!」，哭訴佢用詞艱深，令到佢哋嘅成績紛紛「爆炸」。有啲訴苦話點解佢用honeymoon形容佢同auntie嘅關係，造成誤解。當中嘅留言中英夾雜，但好多都係考生先知嘅箇中辛酸。
https://www.instagram.com/p/BPbOs9whwI0/
之後亦有香港人用英文留言為打攪到前第一夫人致歉，指考生表現兒戲，唔好用嚟代表香港人嘅。亦有人反指只係考生抒壓之舉，年輕人嘅搞笑行為，相信蜜雪兒大人有大量，應該唔會介意。