近日《明報》報道發現約200本政治題材及人物錄影及書藉俾香港圖書館下架，引起社會關注圖書館同出版自由嘅問題。出版社次文化堂社長彭志銘昨晚就喺社交平台出post，話發現旗下兩本同政治無關、只談語言文化嘅書都俾人下架。
其中一本《香港粤語頂硬上》，係2014年出版，因應廣州推普運動，徵集香港40多位學者、教授、語言專家、文化人粤語探討文章，結集成書，内容主要講粤語傳承流變、音韻同中國文化嘅關係、「純是分析、研究和評論」；另一本《香港粤語撐到底》則係討論「母語教育」，立場各有不同甚至包含「愛国陣營」曾鈺成校長批評粵語為「母語」嘅文章。
彭志銘感歎，公共圖書館大量收起各類原本可借的書刊，被人笑謔為「屠書館」，「叫人心痛哀傷！……我只能默言…..」