【 在台港人我手寫我口，說粵語講真話，寫出心裡最真誠的感受 】
由國際特赦組織台灣分會、台南香港關注組、台南社區大學人權志工社、台南新芽、台灣人權促進會南部辦公室合辦嘅「你講咩話？」香港言論自由粵語特展，喺6月30號開始，展期到7月9號。藉著港版國安法實施將近三年，以粵語創意書法，表達香港言論自由現況。
本次展覽以在台港人粵語書法嘅創意呈現，以及粵語錄音嘅真摯分享，以香港地道嘅文字、圖像同埋語言，表達香港唔講得嘅一句話、香港已消失嘅人事物、代表香港嘅一句話、最想講嘅一句話，反映香港言論自由嚴重壓縮。另一方面，輕鬆分享最印象深刻嘅香港俗語、最鍾意嘅香港小食、香港常見字、最欣賞嘅香港人等，展現獨特嘅港式粵語文化。
民眾可以現場聽創作者喺錄音中自由地說粵語，講真話；睇粵語創意書法如何我手寫我口，寫出心裡最真誠嘅感受。其中有創作者表示：「喺今日香港嘅言論自由下，有啲嘢日常已好少機會聽到。睇到大家寫出來，聽到大家講出來，更深切感受到原來有啲事情大家只係擺喺心入面，從來冇忘記。」
展覽兩個週末將有一連串活動，7月1-2、8-9日舉辦換領港式飲品及「代表香港的一句話」絹印紀念品。7月1日邀請到香港資深影評人蒲鋒，喺「周星馳電影與粵語文化的生鬼魅力」講座，同台灣市民一同欣賞香港電影粵語對白精妙之處。7月8日將喺台南政大書城舉辦「尋找自由的國度——台港媒體人追求資訊自由之路」講座，邀請到新創辦嘅在台香港媒體《光傳媒》總編輯、香港《蘋果日報》前記者梁嘉麗，以及《真相製造》作者劉致昕對談，對照台港兩地資訊自由嘅挑戰與出路。
◍—————————————————————◍
▍「 #你講咩話？ 」#香港言論自由粵語特展 ▍
日期｜2023年6月30日至7月9日時間｜11:00 – 18:00地點｜沙鷗書屋（台南市中西區青年路132巷11號）合辦｜國際特赦組織台灣分會、台南香港關注組、台南社區大學人權志工社、台南新芽、台灣人權促進會南部辦公室◍—————————————————————◍
https://www.facebook.com/tainanwithhongkong/posts/pfbid02QxL6N4JUuD3BF72jx463xJ66Pvtt6GvKEPSamarNsh71CuH6a6PR6n8GYqQpH9Cvl