香港作家聯會會長潘耀明前日（22號）喺「大灣區文學活動」上宣布，「香港文學館」近日得到馬會嘅贊助，終於正式籌建。
當日，潘耀明致辭時突然公布，「經過多年嘅爭取，喺行政長官李家超嘅關注支持下，香港文學館近日通過馬會嘅贊助，終於正式構建起來，過去散兵游勇嘅香港寫作人，有咗屬於自己嘅家園。」
佢又透露，文學館會設立喺灣仔，擬明年4月開幕。館內會收藏香港作家嘅手跡、手稿、出版物嘅版本、簽名本。以後仲會邀請研究香港文學嘅學者，舉辦各類型嘅文學交流講座。
不過，網民嘅焦點似乎放咗喺文學館嘅logo。有人認為，logo有啲似女性嘅陰部，有啲不雅。
2009年，一班文學工作者成立「香港文學館倡議小組」，向西九文化區管理局建立一座具規模嘅香港文學館，後來以慈善機構形式喺新蒲崗經營「香港文學生活館」，同今次大灣區文化嘅文學館並唔相同。