【情報解封】
自從上年港語學執笠之後，
最多人關心嘅，
竟然唔係我嘅人身安全，
而係我之前嘅作品邊到搵到（！？）

不過，最緊要都係人無事，
人無事先可以繼續屌佢老母臭閪吖嘛！
趁住港語學執笠一周年，
以下公開返之前嘅作品情報，
同埋預告一下嚟緊將會成立Studio將更多作品帶畀大家！
敬請訂閱留意最新消息！

No. 001 度鳩尺/港人長度稱呼標準

粗口系

稀有度 ★☆☆☆☆

出現地點 海牙 澳洲 香港 加拿大 英國

港語學首次製作而大受歡迎嘅產品，有異色、軟膠、硬膠及松島安等特別版本。

No. 002 屌晒全世界T裇

稀有度 ★★☆☆☆

出沒地點 香港 澳洲

特別絲網精細印製嘅t裇，放大會睇到「屌」字。採用美國棉，有黑色、白色、褐色、世界字樣及hoodie等版本。

No. 003 「𨳒晒全香港」明信片

稀有度 ★★★☆☆

出沒地點 香港

香港地圖上印刷「𨳒」字，係留港撚向海外朋友表達憤怒同關心嘅佳品。特別用咗港式寫法「𨳒」而非「屌」。

No. 004 「歲月無聲」水泥臺曆

稀有度 ★★★★★

出沒地點 香港

用香港水泥工藝及鑿字噴繪技術製作，因技術、時間需求，產量極少。可組合廣東話寫法，如「拾玖」、「廿柒」等。

No. 005 五門粗口念珠

稀有度 ★★★☆☆

出沒地點 香港

由「門字五虎將」𨳒、𨶙、柒、𨳊、閪組成15粒粗口念珠，可以賦予使用者額外嘅勇氣同力量。

No. 006 「屌晒全世界」国家安全套

稀有度 ★★★★★

出沒地點 香港

將屌晒全世界(除咗中国)，傳說笠落護照可增出境機會(？)港語學陳樂行曾用此離開香港，成功避開国安上門拘捕！

No. 007 「銀行存款等如零」銀包

稀有度 ★★★★☆

出沒地點 香港

緣於流行歌歌詞，雖然銀行存款等於零但都可以用現金嘅（正如被制裁嘅官），實測用佢出街買嘢會獲得店員可憐

No. 008 荷包鐵閘 – RFID防御卡

稀有度 ★★☆☆☆

出沒地點 加拿大 香港

時值香港政府強制居民更換可遠距離rFID讀取身分證，此卡結合傳統鐵閘工藝及物理原理，可防止資料被盜。

設計眾多未能盡錄……但係咪從此停產？

「唔會嘅，只要大家繼續支持海外香港工藝嘅自由創作，最好就課金啦！」

KongHub Studio 即將推出，請訂閱留意最新消息！