食物及衞生局局長陳肇始澄清，巿民到食肆購買外賣時，毋須使用「安心出行」應用程式，填資料都唔一定用中文。
佢尋日就話買外賣都要嘟「安心出行」QR圖碼，但食環署深夜就出新聞稿話唔用都可以接受。陳肇始今日就改口話，巿民買外賣都唔會除口罩、逗留時間短，所以唔用QR圖碼都可以接受。
被問到食肆如果唔用QR圖碼，改為幫食客登記資料，係咪一定要用中文名；陳肇始話，如果姓名冇中文，只要係合適嘅語文都可。
香港人喺登記資料嘅時候好多時都會用英文名加姓，例如「Carrie Lam」，因為喺廣東話文化入邊俾人響全朵都有啲唔舒服，亦都會感到私隱唔受保障，所以變相都慣常用英文名自我介紹同互相稱呼。
#安心出行 #陳肇始 #英文名 #中文名 #廣東話文化 #保障私隱