舊金山城市大學將面對削減來年3300萬預算，於是管理層喺3月初向163名教職員工和34名管理人員發出裁員通知。大學管理層話，如果城大唔管好財政、削減開支，就無法避免州政府收購，所以大學「只能留低貢獻最多嘅人」。呢項裁員決議將會喺校董會通過。學生會擔心有關決議會削弱種族嘅社區資源，加劇種族矛盾，因此聯同亞裔同黑人發起遊行抗議。發起「Save Cantonese at CCSF」群組、要求保留廣東話嘅大學生Julia Quon就喺集會發言，希望可以保留廣東話課程，避免種族矛盾加劇。

Julia Quon話：「當聽到廣東話課程要取消資助， 我個心沉晒落底。 舊金山咁多人講廣東話，要消除亞裔仇恨，設立廣東話課程有其必要。」有調查顯示，舊金山13.5%嘅人口都係講廣東話。

佢咁講係因為校方喺種族仇恨高漲嘅時刻，削減咗新移民學習廣東話嘅課程，同埋俾廣東話為母語嘅人上嘅英文班。

學生會已經同校方喺今日開會再傾呢個問題，並會喺下星期人(10)號校董會決議。