11月25號嘅朝早，喺紐西蘭第53屆國會開幕儀式上，紐西蘭皇國國會議員可以選擇用兩種語言作宣誓。而紐西蘭皇國國會議員MP James就揀咗用英文同廣東話宣誓。
MP James用流利嘅廣東話朗讀誓詞：「本人占士麥當禾，真誠發誓，定當依據法律，對女皇陛下伊利沙伯二世，及其繼承人及繼位人效忠，並會盡忠職守。願上帝助我。」
原來MP James擁有部份嘅香港血統，因此對香港有特殊嘅感情。例如喺今年七月就多次發表支持香港嘅言論。MP James亦曾經以紐西蘭行動黨外交事務（ACT’s Foreign Affairs）發言人嘅身份表示「香港嘅司法獨立已經被完全破壞。」
MP James私底下亦同紐西蘭嘅華人社群十分熟絡，怪唔知得佢嘅廣東話咁流利！（圖片來源：Badges StoryFacebook）