陳茂波為咗推銷早財政預算案，喺上年12月諮詢嘅時候，就已經用「阿茂整餅」嘅典故拍咗套宣傳片。當時已經有人指出佢唔應該用「阿茂整餅」整餅嘅典故，因為呢句歇後語係「冇嗰樣整嗰樣」，非常負面。
港語學主席陳樂行就話，身為「阿茂」用負面嘅情況典故包裝自己，情況相當罕有。雖然佢祖籍潮州，但住喺香港幾十年，冇理由唔知「阿茂整餅」係鬧人。「但就弊在佢真係喺預算案『冇嗰樣整嗰樣』，令人唔覺得佢喺度自嘲。」
除咗預算案本身做多咗之外，啲周邊宣傳品亦都受人非議。佢亦都派發貼紙，不過就冇人敢貼喺身上。
有收到貼紙嘅市民坦言：「點睇都似係一碌切咗嘅鳩。」