元朗區議員陳敬倫本身都係個藝術家，佢打破傳統將區議員特有嘅橫額位變成裝置藝術，今年一月嘅時候理用欄杆嘅直紋製成作品「自由」同真相，大獲各界好評。
作品喺一星期之後俾不明人士拆走，不過市民都感嘆只係令到作品更加昇華，寓意當今社會容唔下「真相」同「自由」。
噚日陳敬倫就推出新版設計，用盡廣東話食字特色，製作咗好多款唔同嘅路牌型橫額。一齊睇下佢嘅新作啦！
最受歡迎嘅，竟然係被稱為「引起第三次世界大戰嘅男人」嘅諧音街名「陳同街」。陳敬倫話呢啲都係「送俾大家屬於香港人既路」，「我真係好鐘意廣東話！」不過佢都表示「ｘｘ徑丶橋丶墟諗唔到」，請大家幫幫手！
