校園報紙《史丹福日報》報道，史丹福大學嘅本科生議會通過決議，要求史丹福大學恢復粵語課程，而且呢個課程要滿足到大學嘅語言學習要求。

呢個動議係喺大學12月解僱唯一一個廣東話導師後出現。學生群情洶湧，發起咗「Save Cantonese」嘅請願書，有成4,000多個師生、校友聯署，最終大學同意搵兼職講師去教授廣東話。但學生依然都希望有正規課程出現，因此設立savecantonese.org/，運動仍然持續。

早前因為史丹福大學冇同廣東話老師續約，引起該校師生憂慮廣東話課程存續嘅憂慮，繼而發起聯署請願；喺超過3,000人聯署請願下，史丹福校方回應訴求，承諾會喺下學年開辦兩個廣東話課程。

人文科學院發言人張禮頓（Joy Leighton）表示，雖然語文中心唔一定每季都會開班，但意識到廣東話班都有一定需求，所以諗住提供現有四個廣東話課程嘅其中兩個。之前語文中心主任伊莉莎白（Elizabeth Bernhardt-Kami）就喺一封電郵同張錫莉博士講，唔理學生幾大需求，都係睇預算狀況去決定語文中心提供到幾多課程。

史丹福大學本科生議會係本科生嘅代表，屬於學生會架構。