恒隆地產（101） 及恒隆集團（010） 主席陳啟宗今日（9號）喺一個中港研討會上用普通話公開發言話，希望香港所有學校教學都以普通話為主，又話要「香港下一代年輕人，做夢的時候，當然要做中國夢，都是以普通話來做夢」。
身兼香港明天更好基金執行委員會主席嘅陳啟宗又話，《香港國安法》為香港帶來機遇，呼籲港人要把握機會；又表示港人以往學開英文，但為咗香港以後嘅經濟前途，「今日起要學好普通話」。
恒隆集團業務包括酒店、停車場管理、物業管理，同埋乾洗服務。陳啟宗生於香港，祖籍廣東順德，持有美國籍。恒隆旗下商場包括 Fashion Walk、雅蘭中心、荷李活商業中心、家樂坊、淘大商場、康怡廣場及山頂廣場。