（標題為編者所加）

《自然醫學》前日刊咗登咗篇特別文章。現代報告醫學進展通常都牽涉到大批受測試者。而今次文章卻係破例：報告單獨一名病人嘅試驗。但文章卻有來自瑞士、美國、英國、法國、意大利、及中國嘅57名合作者。

柏金森病友晚期，經常會因為隻腳突然死火停止郁動能力，而引致到跌親。嚴重時，病友更會因此而無法自行走路，要靠輪椅代步。一直而來，去到呢個階段，藥物都無效。植入大腦深處嘅刺激器亦未必生效。

團隊今次為一位62歲，患柏金森病三十年，到咗每日死火而跌親2-3次，無法用藥物或大腦植入器控制階段嘅病友，喺脊髓植入刺激器。經過兩年試驗觀察，始公諸於世成果：病友一日之間使用刺激器八小時，用時可以行走幾乎如常，只係上樓梯時略為要小心。

下一步將會係做更多病友嘅試驗及觀察。但從影視及病友講述，已可感覺到醫治柏金森病的確已經係到了大突破新紀元了。

文章詳細報告新技術發展嘅各艱苦歷程，先要分析分析正常人及柏金森病友步行時速度、步長、伸展髖關節時角速度等運動數據。然後又分析恒河猴步行數據，以及用毒藥令恒河猴患上柏金森病後嘅步行數據。証實患病恒河猴步伐似柏金森病友步伐，因此可以作為初步試驗對象後，研究人員始可以進入研究刺激器安置及設計。

研究人員繼而分析出步行時，脊髓運動細胞活動規則從而知道刺激器需要刺激到脊髓六個神經根區域。同時，又要分析出步行時大腦運動區發號施令信息與脊骨運動細胞之間嘅關連規律及圖織。

病友裝置咗刺激器後，一日可以行幾公里都冇事，望落去如同正常人一個。如果熄咗佢嘅大腦刺激器，步行冇咁好，但仍舊冇大問題。

Milekovic, T., Moraud, E.M., Macellari, N. et al. A spinal cord neuroprosthesis for locomotor deficits due to Parkinson’s disease. Nat Med (2023).