作者：黃震遐醫生

（標題為編者所加）

跟著沉日好消息，今日又再創好事成雙！

腦與電腦，兩腦聯盟又創新進展。呢次係為一位漸凍人、一位中風病友奪返講話能力。

一位68歲女病友，2012年時確診患有「肌萎縮性脊髓側索硬化症」。佢病發開始症狀就集中喺口及喉部，嘴、舌、咽喉。目前佢仍然可以自己著衫、行走、及打字。但就無法清楚發音講話。科學家將英文字音分析為音素段，咁樣，電腦就只需要學39隻音素段來拆同組合返任何英文字音。由於佢大腦言語中樞正常，只係沒法驅動口喉肌肉正常發音，科學家喺佢大腦言語皮層外放置兩片電極，籍以收錄言語皮層電波。之後經過鍛煉電腦，教䁱電腦轉譯電波為字音信息。正常人講話一分鐘可以講160隻英文字。用此電腦轉譯發音就到達62字。轉譯時，12萬字中達76%準確度。

另一位50歲女病友， 18年前中風，導致嚴重四肢癱瘓，最初十年需要靠插胃管餵飼及無法發音。另一組研究人員同樣用大腦皮層電極收錄電波轉譯，就達到一分鐘76字速，及75%準確度。科學家另外為佢建立一個虛擬化身，經銀幕同人傾偈。

兩組研究都顯示，即使喪失失音能力，病友都已經有希望可以依賴科技復得與人正常進行社交活動。

Metzger, S.L., Littlejohn, K.T., Silva, A.B. et al. A high-performance neuroprosthesis for speech decoding and avatar control. Nature (2023). https://doi.org/10.1038/s41586-023-06443-4

Francis Willett et. al., A high-performance neuroprosthesis, Nature (2023). DOI: 10.1038/s41586-023-06377-x www.nature.com/articles/s41586-023-06377-x