近日刊登咗兩篇基因發現都對醫治認知障礙症有重大意義。
首先，阿兹海默型認知障礙症通常係年紀大咗才發病，但有幾隻基因*如果出現突變就可能中年，甚至後生少年時都就已經出現症狀。其中一隻相關基因叫前類澱粉蛋白質基因。攜帶突變嘅人通常40-60歲起病。上海瑞金醫院團隊前幾日報導搵到呢隻基因嘅新突變種類：E674Q前類澱粉蛋白質基因上海突變E674Q (Shanghai APP mutant)。
瑞金研究人員做生化實驗證實突變的確有害，可以促進增產有毒嘅β 淀粉样蛋白。注射呢隻突變基因入小鼠大腦，亦會阻礙小鼠學習能力。
關於作者：黃震遐醫生
黃震遐醫生係腦神經科醫生、香港大學校友及粵文作者，長年以廣東話深入淺出講解腦神經、認知障礙、藥物安全同健康研究，推廣市民用母語接觸可靠醫學知識。
作者理念：「上醫治未病，中醫治欲病，下醫治已病。」
原文：黃震遐醫生 Facebook。本文經作者授權由 Konghub 整理轉載，保留粵文原意及醫學文獻資料。
醫學資訊只供公眾教育，唔代替個人診斷或治療建議；如有症狀或用藥疑問，請向合資格醫護人員查詢。