蛇年就快來臨。 乘機會送大家 七招保長壽
𪘲開棚牙笑哈哈
食足蔬菜兼生果
注意血壓肥脂糖
行得萬步好世界
保證瞓夠精神爽
長用大腦老友多
壽比南山遠煙酒
呢七招全部有大把研究報告支持，可以增加大家健康長壽機率。心情愉快，日日食多蔬菜同生果(五份蔬菜，兩份生果)，少啲紅肉、工業加工食品、煙酒，注意要控制血壓、膽固醇、腰圍肥膏，日日運動足夠(例如行走一萬步)，瞓夠七小時，大腦清潔系統同身體維修系統都會有時間保養你大腦同身體。不斷學習、多用大腦、等於係畀大腦運動，搵老友傾多啲，除咗係運動腦細胞亦係可以令心情開朗。
恭賀大家
新春快樂，萬事如意！
關於作者：黃震遐醫生
黃震遐醫生係腦神經科醫生、香港大學校友及粵文作者，長年以廣東話深入淺出講解腦神經、認知障礙、藥物安全同健康研究，推廣市民用母語接觸可靠醫學知識。
作者理念：「上醫治未病，中醫治欲病，下醫治已病。」
原文來源：黃震遐醫生 Facebook 原文（January 27, 2025）
本文經作者授權由 Konghub 整理轉載，保留粵文原意及醫學文獻資料。
醫療聲明：醫學資訊只供公眾教育，唔代替個人診斷或治療建議；如有症狀或用藥疑問，請向合資格醫護人員查詢。