柏金森病友症狀輕重一日之間可以波動多次。醫護人員只可以偶然一見，觀察時間難免有限。病友如果可以準確紀錄，對調整藥劑及判定用藥效果都有好大幫助。但寫日記始終麻煩，發生時間同記錄寫下嘅時間往往有出入，主觀上逳動過多同客觀上亦未必一樣。
還好，新出爐報告表示一套電子監察器準確而容易用。
呢種叫PDMonitor 嘅監察裝置總共有五隻電子感應器，分別載喺四肢及綁喺腰度。感應器可以錄到震顫、過多逳動、行走障礙，同專家評估比較，達到99%準確性。“死火”，不能逳動期，診斷準確性亦有96%。
即使係晚期病友，穿載感應器都方便，平均只需要五分鐘。
感應器資料同時輸入病友手機上嘅應用程式，醫護人員亦可以下載資料，了解病友家中實時情況。因此對比較嚴重症狀病友調校藥物應該可以更快速及頻密。
Angelo Antonini et al, Toward objective monitoring of Parkinson’s disease motor symptoms using a wearable device: wearability and performance evaluation of PDMonitor®, Frontiers in Neurology (2023). DOI: 10.3389/fneur.2023.1080752
關於作者：黃震遐醫生
黃震遐醫生係腦神經科醫生、香港大學校友及粵文作者，長年以廣東話深入淺出講解腦神經、認知障礙、藥物安全同健康研究，推廣市民用母語接觸可靠醫學知識。
作者理念：「上醫治未病，中醫治欲病，下醫治已病。」
原文來源與授權
本文經黃震遐醫生授權，由 Konghub 整理及轉載。查看 Facebook 原帖。
醫療免責聲明
本文只供健康教育及一般參考，唔構成個人醫療診斷或治療建議。如有症狀或用藥疑問，請向合資格醫護人員查詢。