「恥辱之柱：記憶、壓迫同賦權」小組討論。左起：Dean C.K. Cox、黃國才博士、華立強博士同高志活。（NGO DEI）

「世界唔能夠對獨裁主義視而不見！我們必須為正義而戰！」2024年5月23日，香港政治藝術家黃國才博士同百多名國際學者、藝術家等人喺荷蘭海牙眾議院國際新聞中心（Nieuwspoort）聚首一堂，出席「想像：流亡中的香港」研討會。 

研討會雲集國際知名人士，包括荷蘭聯合國教科文組織委員會主席Kathleen Ferrier、《國殤之柱》藝術家高志活（Jens Galschiot）以及「審查制度及言論自由委員會成員」（Censorship and Freedom of Expression Committee）華立強（Dr. Eric Otto Wear）博士等，前港語學主席陳樂行亦作為講者出席當中。

荷蘭聯合國教科文組織委員會主席Kathleen Ferrier在研討會上致辭。（NGO DEI）

「香港真係好靚，唔單止係佢嘅自然風光，仲有一班人同社區喺到。」（Hong Kong is beautiful, not just because of the nature scenario, but also the people and the communities.）曾經居港五年、近年親眼目睹香港自由急速惡化嘅荷蘭聯合國教科文組織委員會主席Kathleen Ferrier喺研討會上致辭，聲援俾極權統治趕絕而流散世界各地嘅港人。

想象中嘅法庭

由於意識到一啲俾中共迫害嘅民族喺將來對中國進行審判嘅共同願望，研討會喺距離國際法庭半小時路程嘅海牙眾議院國際新聞中心（Nieuwspoort）舉行名為「法庭文化滅絕審判」嘅互動環節，試圖將呢種想像變成現實。過程中有維吾爾人、西藏人和香港人嘅代表，就中國如何對他們進行文化滅絕作證。而喺作供過程中，聽眾不禁動容，亦都同荷蘭自由西藏學生會（Students for a Free Tibet Netherlands）主席Rinchen Dorjee淚水相互呼應。

「法庭對文化滅絕的審判」互動部分。（NGO DEI）

「法庭對文化滅絕嘅審判」互動部分。（NGO DEI）

海牙嘅香港藝術空間

面對香港藝術自由日益嚴峻嘅挑戰，「我地」總監劉慧婷（Loretta Lau）強調研討會嘅重要性，佢表示：「今次研討會係代表香港藝術共同體嘅一個重要時刻。隨住極權壓力嘅增加同自我審查嘅擴散，我哋必須提供一個俾藝術得以蓬勃發展平台，令我哋把聲俾世人聽到。」

同時，對於以倡導自由和正義為使命嘅「我地」來說，今次研討會將成為了解同參與真實香港體驗嘅紐帶。劉慧婷表示，今次研討會標誌住組織發展嘅一個重要里程碑，「加入海牙正義社區對『我地』嚟講係夢想成真，組織會繼續致力宣傳工作，為俾人邊緣化嘅聲音提供一個平台。」

哩次研討會係「我地」同「香港文化藝術」（Art and Culture Hong Kong）發起嘅更廣泛倡嘅一部分，旨在透過藝術促進對話同理解。除咗研討會外，各機構將於5月18 日至26日喺位於海牙Westinde 25嘅「我地」會址舉辦名為「理想家園」展覽，俾啲人一睹香港嘅文化景觀。

各國國際學者、活動家和藝術家齊聚荷蘭海牙，聲援香港海外僑民。（NGO DEI）

活動資訊：

– 理想家居展（Home Ideal Exhibition）：5月18日至26日（5月25日為正式開幕日），地點：NGO DEI, Westinde 25, Den Haag

– 想象：流亡中的香港研討會：5月23日至24日，地點：Nieuwspoort，De Badkuip, Den Haag

關於「想象：流亡中的香港」研討會：

首屆香港國際研討會喺2024年5月23日至24日同海牙荷蘭議會內著名嘅新聞中心尼烏斯普特舉行。 研討會題為「想像國家：流亡中嘅香港」，由一群藝術家同學者喺香港文化藝術嘅旗幟下主辦，並得到非政府組織NGO DEI 嘅大力支持，旨在捍衛基本人權，包括言論自由同言論自由。

關於「我地」（NGO DEI）：

NGO DEI 係一個致力喺透過藝術同文化倡導自由同正義嘅國際組織。呢個組織2021年5 月喺捷克布拉格成立，一直支持邊緣社區以及促進社會問題對話。

關於「香港文化藝術」（Art and Culture Hong Kong）：

香港文化藝術係一個由藝術家同學者組成嘅團體，致力於維護同促進香港嘅特色同藝術自由。透過展覽、研討會同文化活動，該組織致力喺擴大國際社會嘅聲音並促進理解。